Ateneo dumiretso sa ika-12 ratsada
Paul Jerome Carpio (Pang-masa) - October 21, 2019 - 12:00am

MANILA,Philippines — Ipinaramdam ng nagdedepensang Ate­­neo De Manila Uni­­­versity ang ka­­nilang bagsik matapos si­bakin sa Final Four ang University of the East, 84-50, sa Season 82 UAAP men’s basketball tournament kahapon sa Ynares Center sa Antipolo City.

Nanguna sa opensa ng Blue Eagles si Isaac Go na may 13 points, 3 rebounds at 1 assist, habang may tig-11 markers sina Ange Kouame at Thirdy Ravena.

Dalawang panalo na lamang ang kailangan ng Ateneo para makumpleto ang pagwalis sa eliminations papasok sa cham­pionship round.

“Very proud of the team, first half was patchy but generally good.” pahayag ni coach Tab Baldwin. “We ran our offense and we get good movements in our offense, we shouldn’t be settling for the three.”

Sa pangunguna nina Kouame at Ravena ay ka­agad inilabas ng Ateneo ang kanilang bagsik nang kunin ang 15-point lead, 40-25, sa halftime.

Nagpaulan ng tres si­na SJ Belangel at Mike Nieto para sa 65-35 kalama­ngan nila sa third quarter hanggang palobohin ito sa 36-point lead, 82-46, sa natitirang 1:03 minuto ng final can­to.

Nagposte muli ng double-double si Alex Diak­hite sa kanyang 15 points at 15 boards bukod pa ang 4 assists para sa Red Warriors.

Ngunit hindi ito sapat para buhatin ang UE na gumulong sa 3-9 kartada.

Dahil dito ay tuluyan nang gumuho ang tsansa ng Red Warriors na makapasok sa Final Four.

Sa ikalawang laro, bi­nura ng University of the Philippines ang 12-point deficit sa fourth quarter pa­ra itakas ang 81-77 panalo kontra sa Adamson University at inilista ang 7-4 marka.

Ang one-handed slam dunk ni Kobe Paras ng Fighting Maroons.
UAAP Images

Nagtala si big guard Kobe Pa­ras ng 21 points, 5 rebounds at 3 blocks at tumipa naman si playmaker Jun Manzo ng 17 markers, 7 boards at 3 assists para sa Fighting Ma­roons.

Nalaglag naman ang kartada ng Soa­ring Falcons sa 4-7.

 

 

ATENEO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with