Victolero, Compton wala pang napipiling rookie

MANILA, Philippines — Tigil-giyera muna ang Alaska at Magnolia sa PBA Finals dahil kaila­ngan nilang ituon ang aten­syon sa 2018 Annual Rookie Draft ngayon sa Ro­binson’s Place sa Er­mi­ta, Maynila.

Hawak ng Aces ang No. 9, habang pipiliin ng Hotshots ang No. 10 overall pick mula sa 47 rookie hopefuls ngayong taon.

Inamin nina Alaska coach Alex Compton at Mag­nolia mentor Chito Vic­tolero na wala pa silang desisyon kung sino ang kukuning rookie.

“Right now, wala pa kaming decision talaga,” ani Victolero matapos ang malaking 79-78 ta­gumpay ng Hotshots la­ban sa Aces sa Game Five kamakalawa ng gabi sa Smart Araneta Colise­um.

Ayon kay Victolero, hin­di pa napag-uusapan ng coaching staff kahit isang beses ang tungkol sa draft dahil nakatuon ang kanilang atensyon na mawakasan ang apat na taong pagkauhaw sa kam­peonato.

“Hindi pa nga namin alam kung wing or big. Hindi pa namin alam ang kailangan ng team,” dagdag ng Magnolia bench tactician.

Ito rin ang sentimyento ni Compton lalo’t hindi pa siya nakaka-move-on sa masakit na one-point loss sa Game Five.

“Honestly, while they have been some discussion, we’re more worried about Magnolia,” ani Compton.

Inaasikaso ng kanyang mga assistant coa­ches ang mga detalye ng mga rookies.

“The assistants have been working some guys out, preparing video, we got data, talking about team needs, and then we’ll go from there,” wi­ka ni Compton.

Tiwala rin si Compton na solidong manlalaro pa ang makukuha nila sa 9th pick.

“Yes, I think our ninth pick will still be a good pick. We drafted Kevin Ra­cal at 11th while Rome Dela Rosa (who is alrea­dy in Magnolia now) lan­ded at 13th. Our pick is good,” dagdag niya.