Donaire puntiryang maagaw ang WBA crown ni Burnett

MANILA, Philippines — Wala nang ibang hangad si dating four-division world champion Nonito ‘The Filipino Flash’ Donaire, Jr. kundi ang muling makapagsuot ng world boxing crown.

Hahamunin ni Donaire si World Boxing Association bantamweight king Ryan Burnett ngayon sa SSE Hydro sa Glasgow, Scotland.

Nagmula si Donaire sa unanimous decision loss kay featherweight star Carl Frampton noong Abril.

Magbabalik ang tubong Talibon, Bohol sa bantamweigth division para hamunin si Burnett ng Nor­thern Ireland.

“After the Frampton fight, I realized I didn’t be­long in the (featherweight) division,” wika ni Do­naire sa panayam ng RingTV.com. “Not just physicality, but I was so small for the weight.”

Sa kanilang official weigh-in kahapon ay parehong tumimbang ang 35-anyos na si Donaire at ang 26-anyos na si Burnett ng 117.5 pounds.

“He is an incredible fighter. We all dream of these moments of fighting the best and becoming the best in the world,” sabi ni Burnett (19-0-0, 9 KOs) kay Donaire (38-5-0, 24 KOs).

Ang nasabing 12-round fight nina Donaire at Burnett ay magsisilbing quarterfinals ng World Bo­xing Super Series (WBSS).

Nagmula si Burnett sa unanimous decision win kontra kay Yonfrez Parejo para sa kanyang unang pagdedepensa sa suot na WBA bantamweight belt noong Marso.

Ang mananalo sa upakan nina Donaire at Burnett ang sa­sagupa kay South African Zolani Tete sa semifi­nals.

Umiskor si Tete ng 12-round unanimous decision win kay Russian Mikhail Aloyan sa quarterfinals noong Oktubre 13 sa Russia.

Magtatagpo naman sina Japanese Naoya Inoue at Puerto Rican Emmanuel Rodriguez sa isa pang semifinal match.

Ang mananaig sa dalawang semifinals matches ang magtutuos sa 12-round match na magdedetermina sa world top bantamweight fighter.

Itinatampok sa WBSS ang top eight rated ban­tam­weight fighters sa buong mundo.