Butler lalaro pa rin sa Timberwolves?

MINNEAPOLIS — Tatlong araw bago ang season opener, may mga sen-yales na maglalaro pa rin si Jimmy Butler para sa Timberwolves.

Bagama’t sinabi na niyang mas gusto niyang maglaro sa ibang koponan ay may mga senyales na posible siyang manatili sa Minnesota sa pagsisimula ng NBA season.

Sumali si Butler sa practice ng Timberwolves kahapon sa ikalawang pagkakataon matapos magbukas ang kanilang training camp kung saan napag-usapan ang kanyang trade request.

“They want me to go out here and hoop to the best of my abilities,” sabi ni Butler. “Make sure I’m healthy, compete, because that’s what I love to do, and do it for the guys in the same jerseys as me.”

Ginulat ni Butler ang lahat nang sumipot sa ensayo ng Timberwolves noong Miyerkules at pinagsalitaan ang mga opisyales pati na ang kanyang mga teammates.

Kinansela nila ang practice noong Huwebes matapos lumabas si Butler sa ESPN at ipinaliwanag ang kanyang pagkainis at pagkadismaya sa nangyayari.

Nang sumabak ang Timberwolves sa isang preseason game sa Milwaukee noong Biyernes ay hindi naglaro si Butler.

“I can go out there and I can play,” wika ni Butler. “It’s all about playing hard. I think I can do that. When I’m gassed and I’m tired, I’ll look down at Thibs and say, ‘Thibs, I need a break.’”

Sa pagbisita ng Timberwolves sa San Antonio sa Miyerkules para labanan ang Spurs ay inaasahan ni Minnesota coach Tom Thibodeau na maglalaro si Butler.

“Everything’s fluid,” wika ni Thibodeau. “We’ll continue to work through things.”

Sasagupain ng Timberwolves ang Cleveland Cavaliers sa una nilang home game sa Biyernes kung saan inaasahang bubuskahin nang husto ng mga fans sa Target Center si Butler.

“Sure, boo me,” wika naman ni Butler. “Ain’t going to change the way I play. Probably going to make me smile more. Please, come with it.”