Asian Games medalist may dagdag na incentive
MANILA, Philippines — Umabot na sa malaking P5 milyon ang matatanggap sa gold medalist sa 18th Asian Games na mag-uumpisa na ngayong Sabado sa Palembang at Jakarta, Indonesia.
Bukod sa RA 10699 (National Athletes and Coaches Benefits Act) na nagbigay ng P2 million incentive sa gold medal, P1 million sa silver at P400,000 sa bronze, dinagdagan pa ng Siklab Atleta Foundation ng karagdagang P1 million sa gold, P500,000 sa silver at P250,000 sa bronze medalists ang mga medalists sa Asian Games.
Nauna na rin dito ang pahayag ng Philippine Olympic Committee sa pa-ngunguna ni Ricky Vargas ang pagbigay ng P2 million para sa gold, P500,000 para sa silver at P300,000 sa bronze medal.
Ito pa lang ang unang pagkakataon na nagtulung-tulong ang government sports agency (PSC) at private sector para mabigyan ng magandang biyaya bilang karagdagang motivation ng mga atletang Pinoy na sasabak sa quadrennial Games laban sa malalakas na atleta mula sa 45 bansa sa Asian Continent.
“We want to help fuel the country’s dream of global recognition in sports. Through this incentives, we hope to motivate and inspire our athletes to excel and bring pride to our country,” sabi ni Siklab Atleta chairman at Presidential Adviser on Sports Dennis Uy.
Kabilang sa mga inaasahang ma-ngunguna sa kampanya ng 272-man Team Philippines ay sina weightlifter Hidilyn Diaz, ang silver medalist sa 2016 Rio Olympiad, Kiyomi Watanabe ng judo at Carlos Yulo ng gymnastics.
Inaasahan ding muling hahataw si Daniel Caluag sa BMX cycling event.
Si Caluag ang tanging Filipino na nag-uwi ng gintong medalya sa 2014 Asiad sa Incheon, South Korea.
Ang iba pang pag-asa ng Pilipinas ay sina jiu-jitsu masters Meggie Ochoa at Annie Ramirez at judokas Mariya Takahashi.
Kagaya nina POC president Ricky Vargas at Team Philippines Chief of Mission Richard Gomez, nagpaha-yag din ng tiwala si Philippine Sports Commission (PSC) chairman William “Butch” Ramirez na malampasan ng Pinoy team ang 1-3-11 gold-silver-bronze haul sa nakaraang 2014 Asiad.
“I’m sure our athletes can do better in the 2018 edition of the Asian Games,” ayon naman kay Ramirez.
- Latest
