Horn ‘di pa kilala ni Pacquiao

MANILA, Philippines - Narinig lamang ni Manny Pacquiao ang pangalan ni Australian boxer Jeff Horn matapos tanggihan ni promoter Bob Arum ang kanyang alok na labanan si Terence Crawford sa halagang $20 milyon.

Kamakailan ay inihayag ni Arum ng Top Rank Promotions ang pagkakaplantsa ng bakbakan nina Pacquiao at Horn sa Abril.

“I cannot say if he’s ready because I didn’t see his style or his face yet, so I don’t know,” sabi ng 38-anyos na si Pacquiao sa panayam ng Fox Sports Australia sa 28-anyos na si Horn.

Itataya ni Pacquiao (59-6-2, 38 KOs) ang kanyang suot na World Boxing Organization welterweight crown laban kay Horn (16-0-1, 11 KOs).

Hanggang ngayon ay wala pang naitatakdang venue si Arum para sa paghaharap nina Pacquiao at Horn, tubong Brisbane, Australia.

Sa isang panayam ay sinabi ni Horn na alam niya kung paano ta-lunin si Pacquiao.

At ang kanyang gagayahin ay ang ginawang estratehiya ni Mexican legend Juan Manuel Marquez kung saan nito ginamit ang counter right straight para patulugin si Pacquiao sa sixth round ng kanilang ikaapat na laban noong 2012.

“He needs to prove it in the ring. Because in my previous fights many of them are saying they will stop me, they will knock me out and it’s not happening,” sabi ni Pacquiao.

Kamakailan ay nakausap ni Arum ang Duco Events, ang promoter ni Horn, para sa kagustuhan nitong gawin ang laban sa Suncorp Stadium sa Brisbane.

“I’m hoping that the fight will be in Australia, I’d love to do that,” wika ni Pacquiao. “I’ve been to Australia once or twice but for gambling.”