2016 Ayala-Philippine National Open Invitational Athletics Championships: Magkakasubukan ng galing

MANILA, Philippines – Kabuuang 20 gold medals ang paglalabanan para sa pagbubukas ng 2016 Ayala-Philippine National Open Invitational Athletics Cham-pionships ngayon sa Philsports oval sa Pasig City.

Makakasukatan ng mga national at local bets ang mga veteran athletes mula sa ibang bansa na nanalo ng medalya noong 2015 Southeast Asian Games sa nasabing three-day meet.

“We have closed the registration at over a thousand athletes already, making this the biggest National Open in terms of attendance,” sabi ni Philippine Athletics Track and Field Association secretary general Renato Unso.

Tatakbo sina Rio Olympics-bound Eric Cray, nagkampeon sa 100-meter run sa 2015 SEA Games, at Fil-American Brandon Thomas sa men’s 100-meter heats kasabay sina Malaysian sprinters Maulani Diman at Eddie Edward Jr. at Singaporean Khairyl Amri Bin Tumadi.

Ang mga Malaysians ay pangungunahan ni Rayzam Shah Wan Sofian, kumuha ng silver medal sa men’s 110-meter hurdles ng 2015 SEA Games. Sina Filipino bets Patrick Unso at Francis Medina ang makakalaban ni Sofian.

Makakaharap naman ni Fil-American Caleb Stuart, nagwagi ng SEA Games hammer throw gold, si Jackie Wong Siew Cheer, pumitas ng bronze sa kanilang unang pagtatagpo sa Singapore SEA Games.

Sasamantalahin naman ni Singaporean Veronica Ferreira, ang bronze me-dallist sa 100-meter run, ang hindi paglalaro ni Fil-American Kayla Richardson, kasalukuyang nag-aaral sa United States.

Ang oras na 11.88 segundo ni Ferreira noong 2015 SEA Games ang maaaring pagbasehan sa heats sa Open, inihahandog ng Ayala Corp. katuwang ang Milo Nutri-up, Philippine Sports Commission, Foton Philippines, PCSO, Summit Natural Drinking Water, Appeton, Asics Watch, L TimeStudio and media partners Business Mirror, Business Mirror Health and Fitness Magazine at radio station Mellow 94.7.

Ayon kay PATAFA president Philip Ella Juico, makakatulong ang National Open para sa paghahanda ng mga partisipante sa 2016 Rio de Janeiro Olympics sa 2017 Southeast Asian Games sa Malaysia, sa 2018 Asian Games in Indonesia, sa 2019 SEA Games sa Manila at sa 2020 Olympics.

“The presence of fo-reign athletes from seven countries, including the Philippines, make this a world-class competition, where our athletes could learn a lot from in preparation for the bigger tournaments ahead,” ani Juico sa kompetisyong lalahukan ng Malaysia, Singapore, Hong Kong, Guam, Brunei at Mongolia.