MANILA, Philippines - Berde ang kulay na naÂmayagpag sa 76th UAAP men’s basketball.
Nagtulung-tulong sa huling 30 segundo sa overÂtime sina Jeron Teng, AlÂmond Vosotros at LA Revilla upang maisantabi ang dalawang puntos na kalamangan ng UST patungo sa 71-69 tagumpay para kilalaning kampeon ang La Salle sa liga.
May 25 puntos si Teng at ang kanyang split sa free throw ang naglapit sa Green Archers sa 69-68.
Nagkaroon ng break ang La Salle nang itapon ni Aljon Mariano ang defensive rebound at si Teng ay naispatan ang libreng si Vosotros na kumonekta ng isang 15-footer para sa go-ahead basket.
Nasupalpal naman si KaÂÂrim Abdul ng Tigers ni Arnold Van Opstal at ang bola ay naÂkuha ni Revilla para sa kanyang split para sa dalawang puntos na kalamaÂngan ng Green ArÂchers sa 9.3 segundo.
Hindi naman pinalad ang UST na makakuha ng magandang opensa at ang huling pukol ay ginawa ni Abdul sa 3-point line na hindi tumama ng ring upang magdiwang ang mga panatiko ng La Salle, kasama ang 1999 champion team.
Ito ang ika-siyam na titulo ng Green Archers sa UAAP at naulit ang nangyaÂri noÂong 1999 nang bumangon ang koÂpoÂnan mula sa 0-1 deficit at tinalo ang Tigers sa suÂmuÂnod na dalawang laro.
“I told them that this game will boil down to every possession. That we have to keep fighÂting on every possession that even if they led by as much as 15 points, I never lost hope because they showed they have a great fight in them,†ani rookie coach Juno SauÂler.
Si Jeron Teng ang kinilala biÂlang Finals MVP sa pagÂÂkuha ng unang UAAP title sa dalawang taong pagÂÂlalaro para sa La Salle.
Nabigo ni Jeron ang haÂÂngarin ng nakatatandang kaÂpatid na si Jeric na tapusin ang collegiate caÂreer bitbit ang isang UAAP title.
La Salle 71 – Teng 25, Vosotros 16, Perkins 13, Van Opstal 11, T. Torres 4, N. Torres 1, Revilla 1, Tampus 0, Salem 0.
UST 69 – Abdul 26, Teng 24, Ferrer 7, Bautista 4, Mariano 3, Sheriff 2, Lao 2, Pe 1.
Quarterscores: 16-18; 24-32; 47-48; 65-65; 71-69 (OT).