Angkop na kulay sa bahay

Last Part

7—Ocean blue at silver ang bagay na kulay sa house number 7. Naaakit tumira sa number 7 house ang mga taong mystical, intellectual, at imaginative. Mahilig sila sa tubig kaya kadalasan ay makakakita ka sa paligid ng bahay ng ponds, fountain, at swimming pool. May tendency na maging mapag-isa ang naninirahan sa house number 7.

8—Green, cream, blue, at gray ang angkop na kulay sa house number 8. Ang energy na namamahay dito ay power, money and success. Kadalasan ay ito ang bahay ng politician, doctor, at mga taong humahawak ng executive position. Mga ambisyoso at masisipag ang taong naninirahan dito. Upang magkatotoo ang lahat ng inaambisyon, magtanim ng puno at mga bulaklak sa paligid.

9—Yellow, pink, violet, at indigo ang compatible na kulay. Mga taong mapagkawanggawa at pet lovers ang naaakit manirahan sa house number 9. Kung isang psychic ang titira sa ganitong bahay, lalong lalakas ang kanyang kakayahan. Mapapansin ninyo, parang paborito kayong hingan ng tulong ng mga kapitbahay at ito’y lubha ninyong ipagtataka. Gawing maayos at ligtas ang paligid ng bahay dahil ang house number 9 ay accident-prone.