Tatang Nawala ang Kamandag sa mga Chicks

Dear Vanezza,

Pitong taon na akong hiwalay mula nang iwan ako ng aking misis na sumama sa bestfriend ko. Nabalitaan ko na lang na namatay na ang misis ko sa breast cancer sa U.S. last October. Next year ay 50 years old na ako, pero laging may takot sa isipan ko ang pagloloko ng misis ko kahit good provider ako. Mas doble ang pag-aalala ko dahil sa matanda na ako ngayon. Naiilang ako sa mas bata sa akin dahil baka ipagpalit uli ako sa iba gaya ng misis ko.  Nahihiya akong manligaw kahit sa mga kaedad ko na biyuda na rin. Feeling ko ay bano na ako sa panliligaw na nawala na ata ang kamandag ko pagdating sa mga chicks. Ano ba ang dapat kong gawin? – Tatang Juan

Dear Tatang Juan,

Ang pag-ibig ay walang pinipiling edad kapag ito ay tumibok sa babaeng iyong mapupusuan. Patawarin mo na ang iyong sarili, maging ang iyong misis. Upang makapagsimula muli ng bagong goals at magkaroon ng panatag sa iyong buhay ngayon. Maaaring ipaalam sa babaeng nagugustuhan ang iyong takot upang mabigyan ng kasagutan. Hindi lahat ng babae ay pare-pareho, marami pa rin ang matino na tutumbasan ang ibibigay mong atensiyon at pagmamahal.

Sumasainyo,

Vanezza