Sino Dapat ang Humawak ng Pera ng Mag-asawa, si Misis o Mister?
•Naniniwala ako sa galing sa pagba-budget ng karamihan sa kababaihan, kaya dapat na si misis ang may hawak ng kaperahan ng isang mag-asawa. Kaya naman inientrega ko palaga sa asawa ko ang pero ko tuwing sahod. Magastos din kasi ako. – Lito, Pangasinan
•‘Wag namang ganun. Ang lalaki ang ulo ng tahanan kaya dapat ang mister ang may hawak ng pera ng pamilya. Hindi naman ako papayag na magpa-under sa misis ko. Nakakaliit kaya at nakakababawas sa pagkalalaki ‘yun. Macho tayo walang ganunan. – Marcus, Cebu
•Depende ‘yan. Dapat kasi parehong may hawak ng pera ang mister at misis. Hati sila sa gastos at dapat mas maganda kung nakabangko para parehong may access ang dalawa. Kailangan nilang pagkasyahin ang kinikita ng dalawa. – Ramon, Mandaluyong
•Dapat naman talaga babae ang may hawak ng pera dahil siya ang nagba-budget. Ang hirap kasi mag-budget ng pera kaya ipinauubaya ko na ito sa kanya. Mas magaling silang humawak ng pera at marami sa ating mga kalalakihan ang magastos ‘pag nakahawak ng pera. – Ming, Pasay
•Lalaki ang dapat may hawak dahil sa kaso ko, magastos ang misis ko. Kung anu-ano’ng mga bagay na hindi naman kailangan ang ginagastos niya. Kaya ako ang humahawak ng pera niya. Buti nga nakikinig sa akin eh. Para rin naman ito sa pamilya namin. – Chico, Ilocos Sur
- Latest
