Gretchen, panay na ulit ang paramdam sa social media

Ang sweet naman ng aktres na si Claudine Barretto na binati ang nakatatandang kapatid na si Gretchen Barretto sa kanyang ika-54th birthday.

Ipinost ni Claudine ang larawan nilang magkapatid kung saan hinahalikan siya ng kanyang ate kasama ang pagbati niya rito.

“Happy happy birthday to our country’s beautiful girl who just happens to be my Ate. I luv u so much,” caption ng aktres

Hindi nga nakalimutang batiin ng tiyahin ni Julia ang kanyang ate at pinadaan nito sa social media kahit inactive ang partner ni Tonyboy Cojuangco.

Maaalalang humingi ng tulong noon ang daughter niyang si Dominique upang ma-recover ang account ng kanyang mommy pero gumawa ito ng bago na kalaunan ay nawala rin na tila deactivated na hanggang ngayon.

Mukhang mas enjoy nga si Gretchen na walang social media na walang bashers na nagbabantay sa kanyang mga kilos.

Talagang lutang pa rin ang ganda ng magkapatid at wala pa ring kupas ang mga ito.

Samantala, malaki rin ang pasasalamat ni Claudine sa kanyang kapatid dahil isa raw ito sa naging dahilan kung bakit naging maayos siya pagkatapos ng lahat ng problemang kanyang kinaharap at hindi raw siya iniwan nito.

Bongga.