Kapatid ng sikat na young actor, palengkera ang peg!
Sobrang palengkera at sigaw nang sigaw itong babaeng kapatid ng isang sikat na young actor na nagbibida na rin sa series.
Eh sa mga ginawa kasing series ng sisteret ng young actor, parang hindi siya gaanong pansin, huh! Hindi markado ang presence niya.
Sa isang show na kung saan guest si female star, bida-bida siya. Kaya naman todo awra siya at sigaw nang sigaw! Para siyang nasa palengke, huh!
Mabuti sana kung may finesse o breeding ang boses niya pero hindi. Nakakairita ito, huh!
Dapat sigurong rendahan ng kapatid niyang lalaki si female young star para lumabas naman ang breeding niya kapag isa siyang guest, huh!
Kelvin, maraming naging ka-Valentine
Kakaibang Valentine’s day celebration ang ginawa ng Sparkle artist na si Kelvin Miranda matapos ang guesting sa TikToClock.
Eh sa halip na idaos ni Kelvin ang okasyon sa isang resto o ‘di kaya’y isama ang mga mahal sa buhay, aba, umikot siya ng Timog Avenue na may dalang bulaklak at ibinigay sa bawat babaeng makasalubong niya, teenager man ito o may edad niya!
Inilabas ng Sparkle ang video ni Kelvin na namimigay ng bulaklak sa Instagram account nito at ‘yung nabigyan ng bulaklak, nagkaroon pa ng chance na makasama sa litrato si Kelvin.
Walang nababalitang girlfriend si Kelvin at sa isang ilalabas niyang movie, kapareha niyang muli si Beauty Gonzalez na nakasama niya sa Loving Miss Bridgette series nila sa GMA.
- Latest
