Sam at Catriona, malabong maghiwalay

Bukod kina Bea Alonzo at Dominic Roque ay naintriga ring hindi na matutuloy ang kasalang Sam Milby at Catriona Gray.

Nagsimula ito nang mapansin ng netizens na hindi raw suot ng Miss Universe 2018 ang engagement ring.

Pero napatunayang hindi totoo ang sinasabing hiwalayan nang mag-post si John Prats ng litrato nila ng asawang si Isabel Oli kasama ang engaged couple na tila double date na may caption na emoji ng frying egg.

Kaya naman laking tuwa ng netizens at fans dahil napatunayang nilang hindi totoo ang breakup rumors sa magkarelasyon.

Bukod pa roon, pasimple ring dineny ng beauty queen ang hiwalayan nang mag-post siya ng litrato ng kanyang mga alagang aso kung saan naka-tag ang aktor.

Komento rin ng isang netizen na diumano’y kapitbahay ng magkasintahang Sam at Catriona kaya malabo raw ang sinasabing breakup ng nila dahil nakikita raw nilang magkasamang umuuwi ang mga ito sa condo nila.

Kaya naman excited na ang mga tagahanga sa gaganaping kasal nila ngayong taon.