Maja, mapapanood na sa 3 network!

Hindi naging mahirap kay Maja Salvador na maging ‘Kapamilya’ ulit.

Though ‘special participation’ lang siya sa The Iron Heart na pinagbibidahan ni Richard Gutierrez, mabilis lang daw siyang napapayag sa kabila ng iba’t ibang intriga noon na hindi na siya ever makakaapak sa ABS-CBN nang pagkatapos na mawalan ito ng franchise ay naging visible siya sa GMA 7 at TV5.

“Madali lang ako napapayag kasi it’s under Star Creatives. Ang dami kong nagawang magagandang shows with the Star Creatives. Legal Wife and Bridges of Love. Iba rin ‘yung alaga sa akin ng Star Creatives family,” umpisa niya.

“And then nung sinabi na show with Richard (Gutierrez), sabi ko sige pakinggan ko because baka ito na ‘yung tamang panahon para magsama kami ni Chard (Richard).

“So after nun may konting revision lang and then ayun lumipad na po ako agad-agad sa Cebu,” pahayag niya sa ginanap na media conference ng The Iron Heart last Saturday night.

“At pagdating ko parang naka-benteng thank you si Richard. Binilang ko talaga. ‘thank you ha’, ‘uy thank you talaga.’ Chard ilang thank you. Pero nakakatuwa na kasali ako rito sa The Iron Heart of course with Star Creatives pa and syempre ito ang pagsasama namin ni Richard,” dagdag pa ng actress na napapanood din sa GMA 7 (Eat Bulaga) at TV5 kung saan may tumatakbo naman siyang programa na co-producer ang kanilang kumpanya ng mapapangasawang si Rambo Nuñez.

Huling napanood si Maja sa The Killer Bride ng ABS-CBN.