Aicelle at Mark lumalim ang pagsasama sa bahay

Malaking tulong daw sa pagsasama bilang mag-asawa nila Aicelle Santos at Mark Zambrano ang pagkakaroon ng ECQ. Mas nagkaroon daw sila ng mahabang panahon na makilala pa nila ang isa’t isa kumpara noong pareho silang busy parati.

Pagkatapos nga ng kanilang wedding noong November 2019, naging busy na sila sa kanilang mga trabaho at sa bahay na lang daw sila nagkikita at nagkakaroon ng time na mag-usap.

“Mas nakikilala namin ang isa’t isa kasi mula naman nung kinasal kami at tumira sa iisang bubong, busy pa rin kami pareho. May trabaho kami, so hindi rin kami nakakapag-spend ng time together. Ito ‹yung aming ‹pseudo honeymoon›,” tawa pa ni Aicelle.

Dahil sa ECQ, nagtulungan daw sina Mr. & Mrs. Zambrano sa pag-asikaso sa bahay. May nakatoka raw sa paghugas ng pinggan, pagluto, maglinis, pero may recreational time rin daw sila tulad nang paglaro ng computer games.

Naudlot nga ang dapat na honeymoon ng mag-asawa sa Japan this year. Hindi pa raw nila iniisip ang magpa-rebook ng flight dahil bawal pa ang mga leisure travels dahil sa pandemic.