Anunoby makakalaro sa East Finals
NEW YORK - Inaasahang makakalaro si Knicks forward OG Anunoby mula sa kanyang hamstring injury bago magsimula ang Eastern Conference Finals.
Hindi tinapos ni Anunoby ang Game 2 ng Eastern Conference semifinals series ng New York at Philadelphia 76ers sa dulo ng fourth quarter dahil sa kanyang right hamstring injury.
Hindi na siya nakalaro sa sumunod na dalawang laban ng Knicks na kinumpleto ang 4-0 sweep sa 76ers.
Noong Miyerkules ay sumama si Anunoby sa kanilang team practice, ayon kay coach Mike Brown.
“Any time anybody is able to do stuff, you’re encouraged,” sabi ni Brown. “But again, that’s what they told me he could do today. I’ll wait until Friday to see what they tell me.”
Maaaring gumaling ang injury ni Anunoby sa 11 araw na hindi pa nagsisimula ang Eastern Finals.
Si Anunoby ang second-leading scorer ng New York sa postseason sa likod ni Jalen Brunson na may mga averages na 21.4 points, 7.5 rebounds at 1.9 steals.
Samantala, ang pagbangon ng Cleveland Cavaliers mula sa isang nine-point deficit sa huling tatlong minuto sa regulation para talunin ang Pistons sa overtime ay senyales ng tibay ng loob.
At ito ang nagbigay sa Cleveland ng 3-2 lead sa kanilang Eastern Conference semifinals series ng Detroit.
Humabol ang Cleveland, nagtala ng 0-5 record sa kanilang mga road games ngayong postseason, mula sa 94-103 pagkakaiwan para makahirit sa Detroit ng overtime.
- Latest
