Cavs mipalagpot sa ilang coach

CEBU, Philippines — Wala na manginahanglan sa iyang serbisyo, ang Cleveland Cavaliers mipalagpot sa ilang head coach nga si J.B. Bickerstaff kagahapong adlawa.   

Nahitabo kini usa ka semana human ang Cavs gitagak sa Boston Celtics sa ikaduhang hugna sa NBA playoffs.

Sa ikalima niyang tuig sa Cleveland, si Bickerstaff migiya sa Cavs ngadto sa 48-34 rekord sa regular season hinungdan nga mitikang sila sa post-season isip No.4 seed sa Eastern Conference.

Mi-abante sila sa ikaduhang hugna kon conference finals sa unang higayon sukad niadtong 2018.

Apan tungod kay nangayayay ang mga sinaligan nilang sila si Donovan Mitchell ug Jarrett Allen, ang Cavs nahagba sa mga kamot sa Celtics sud sa lima ka duwa.

Si Bickerstaff, nga nakasilbe sab nga coach sa Houston Rockets ug Memphis Grizzlies, miposte og kinatibuk-ang 170-159 win-loss record uban sa Cavs.