Lady Tams nagpalakas sa No. 2
MANILA, Philippines — Malaki pa ang tsansa ng Far Eastern University Lady Tamaraws sa top two matapos nilang suwagin ang 25-19, 25-15, 22-25, 25-16 panalo kontra laglag ng University of the East Lady Warriors sa UAAP Season 86 women’s volleyball tournament na nilaro sa SMART Araneta Coliseum kagabi.
Napaganda ng Lady Tamaraws ang kanilang karta sa 8-4 at nanatili sila sa No. 4 spot sa team standings pero may habol pa sila sa top two teams pagkatapos ng 14-game elimination round.
Magkasalo sa No. 1 ang defending champions De La Salle University Lady Spikers, University of Santo Tomas Golden Tigresses at last year’s runner-up National University Lady Bulldogs na may 10-2 cards.
Mabibiyayaan ng twice-to-beat incentives ang top two teams sa Final Four.
Pinamunuan ni Chenie Tagaod ang opensa para sa FEU matapos magtala ng 21 points.
Samantala, nagwagi sa unang laro ang DLSU kontra Adamson Univeristy, 17-25, 25-19, 25-11, 25-22.
- Latest
