UC mipasidungog sa garbo nilang mga weightlifters
CEBU, Philippines — Ang University of Cebu (UC) mihatag og insentibo nga P200,000 matag usa sa garbo nilang mga weightlifters nga sila si Elreen Ann Andro ug John Febuar Ceniza tungod sa pag-qualify nila sa Paris Olympics 2024 nga gikatakda karong Hulyo.
Ang mga coaches nilang si Christopher Bureros ug Ramon Solis makadawat sab og susamang kantidad.
Mao kini ang hiniusang gi-anunsiyo nilang UC Chairman Atty. Augusto "Gus" W. Go ug President Candice Gotianuy atol sa usa ka press conference niadtong Lunes, Abril 15.
Giduyogan sila ni UC Athletic Director Jessica-Jawad Honoridez.
“Disbelief! Kanang di ka ka-imagine gani nga ma-happen ni siya. Shocked, surprised, tanan. Murag wapa na process. It’s so big nga achievement nila, mura'g damgo lang,” matud pa ni Gotianuy.
“Instead of usa, duha pa gyud kabuok!" sumpay pa ni Go. "Like my daughter, I’m shocked but very pleased to learn that. It’s a proud moment for Cebu and the University of Cebu…World-class Cebuano and from UC! ”
Gawas sa pahalipay, si Go misaad sab nga motabang sa uban pang mga panginahanglan nilang Ando ug Ceniza subay sa hugtanon nilang pagpangandam alang sa pretihiyosong torneyo nga mahitabo kausa lamang sud sa upat ka tuig.
Diha-diha sila si Ando ug Ceniza nakakuha og dugang motibasyon nga maningkamot og maayo aron makakab-ot og dungog sa Paris Games human si Gotianuy misaad og P1 million nga insentibo kon ugaling makasud sila sa Top 3 sa ilang kategoriya.
- Latest
