Madayag laban pa rin kahit injured
MANILA, Philippines — May iniindang injury si Choco Mucho middle blocker Maddie Madayag.
Subalit hindi ito naging hadlang upang tulungan ang Flying Titans na makuha ang 25-17, 25-22, 25-21 panalo laban sa Farm Fresh sa Premier Volleyball League (PVL) 2024 All-Filipino Conference noong Sabado sa Ynares Center Antipolo.
Hindi pa lubos na magaling ang tendonitis ni Madayag dahilan para maging limitado ang playing time nito.
Ngunit sa oras na tumutungtong ito sa court, sinisiguro ni Madayag na makapagbigay ito ng kontribusyon sa kanilang tropa.
Nakapagtala ito ng walong attacks at tatlong blocks sa kanilang huling laro.
“It is tendonitis. It flared up and the doctor said that it was overused. For now, I can still feel it, but I can play better,” ani Madayag.
Umaasa si Madayag na magtutuloy na ang paggaling ng kanyang injury upang makatulong sa kampanya ng Flying Titans sa season na to.
“Even though I am not in the starting lineup, my leadership to the team is always there. Whatever role I have to fill in the team and what my coaches assigned me to do, that is what I will do,” ani Madayag.
Magandang pagkakataon ang Holy Week break para makapagpahinga at makabalik ng mas malakas sa oras na magbalik-aksyon ang liga sa Abril.
- Latest
