Moalboal, laing 2 ka teams wa gihapoy pilde sa Cabaron volleyball
CEBU, Philippines — Ang host Moalboal, Badian, ug Barili nagpabiling way pilde sa men’s ug women’s divisions sa Mayor Inocentes Cabaron Inter-Town Invitational Volleyball Tournament 2024.
Ubos sa pagpagu ni kanhi national team member Dave Cabaron, ang Moalboal miwani sa Ronda, 25-15, 25-16, sa men’s ug 25-16, 25-21, sa women’s category.
Sa laing aksiyon, ang Badian nanginahanglan pa og tulo ka sets sa wala pa gipiog ang Malabuyoc, 18-25, 25-23, 27-25 sa men’s class ug 25-20, 25-12 sa women’s play.
Wala sab magpa-alkansi ang Barili nga miharos og pilde sa Alegria sa iskor nga 25-13, 25-18 ug and 25-21, 25-13.
Sa ubang resulta, ang Dumanjug ug Alcantara mitunga sa ilang mga duwa.
Ang mga babayeng spikers sa Dumanjug mipatigbabaw pinaagi sa 25-19, 25-17 nga desisyon apan ang Alcantara miresbak sa men's division sud sa tulo ka sets, 25-20, 20-25, 25-21.
- Latest