"Run with the masters" gilusad
CEBU, Philippines — Ang Cebu Landmasters, Inc. (CLI) moselebrar sa ika-20 ka tuig nilang anibersaryo pinaagi sa usa ka lumba sa dagan alang sa mahinungdanong kawsa.
Giulohan og "Run With the Masters", mahitabo kini sa Nobiembre 19 didto sa Ayala Business Park.
"As we celebrate our 20 years in the industry, we also want to share our blessings to our fellow Cebuanos," matud pa ni Cebu Landmasters Senior EVP ug COO Jose Franco Soberano atol sa usa ka press conference kagahapon didto sa Park Centrale sa IT Park.
"Why running? Because it's a sports for all ages and it allows you to have a balanced life," dugang pa ni Soberano. "And this is just the first of our many runs in the future."
Si Popoy Navarro, ang Marketing Supervisor ug CLI Sports Lead, nagkanayon nga kapin sa usa ka libo na ang nagparehistro apan naglaraw sila og dili mominus sa 3,000 ka mga partisipante sa labing una nilang pagsud sa eksena sa Cebu running.
Kadtong interesado moapil adunay lima ka distansiya nga pagapilian.
Ang rehistrasyon nagkantidad og P350 sa 1K, 500 sa 3K, P700 sa 5K, P900 sa 10K, ug P1,200 sa 20K apil na niini ang mga nindot nga giveaways. Aron makaparehistro, mahimong mobisita sa https://forms.gle/fJKwU24hoUp1PAFq6.
- Latest
