EASL Final Four sa Manila lalaruin
MANILA, Philippines — Sa Maynila idaraos ang Final Four round ng East Asia Super League (EASL) Season 1 sa Marso.
Ito ang inanunsiyo ng pamunuan ng EASL kung saan napili ang Maynila bilang venue ng semis.
Nakatakda ang Final Four sa Marso 3 habang may music festival sa Marso 4 at gaganapin naman ang Finals sa Marso 5.
“The Final Four weekend will be unique and memorable, bigger than any event EASL has ever held, featuring a music festival and a variety of fan activations,” ani EASL CEO Matt Beyer.
Nais ng EASL na magsilbi itong warmup event bago ang FIBA World Cup hosting ng Pilipinas, Indonesia at Japan, sa Agosto sa susunod na taon.
“The decision to stage the inaugural EASL Final Four in Manila this March is a welcome development. The Philippines is a basketball-loving country and Filipino fans will be following the EASL games closely,” wika ni PBA Commissioner Willie Marcial.
Sinabi ni Marcial na bukas na bukas ang Pilipinas para sa EASL. Magsisimula ito sa Oktubre 12.
Kumpirmado na ang partisipasyon ng Talk ’N Text sa EASL habang ang reigning champion Seoul SK Knights at runner-up Anyang KGC ang magiging kinatawan ng Korean Basketball League (KBL).
Sasabak naman ang Taipei Fubon Braves ng P. League gayundin ang Utsonomiya Brex at Ryukyu Golden Kings ng Japan B.League, at ang Bay Area Dragons ng China.
- Latest
