BEST tankers handa na sa Dubai meet
MANILA, Philippines — Handang-handa na ang Behrouz Elite Swimming Team (BEST) na humakot ng gintong medalya sa prestihiyosong Dubai Invitational Swimming Championships na hahataw sa Pebrero 12 hanggang 14 sa Dubai, UAE.
Mangunguna sa kampanya ng Pinoy tankers si Brent International School standout Filipino-Iranian Micaela Jasmine Mojdeh na magtatangkang humirit ng ginto sa limang events.
Masisilayan sa aksyon si Mojdeh sa women’s 50m butterfly, 100m butterfly, 200m butterfly, 400m Individual Medley at 200m breaststroke.
Makakasama ni Mojdeh sa ratsada sina Filipino-British Heather White at Ruben White na lalangoy sa kani-kanyang dibisyon.
Sisisid si Heather sa women’s 50m butterfly, 100m butterfly, 50m backstroke, 50m freetsyle, 100m freetsyle at 200m IM habang sasalang naman si Ruben sa men’s 50m 50m butterfly, 50m backstroke, 50m freestyle at 100m freestyle.
“They are all excited to compete again in an international competition after almost two years. They are arcing to win and bring honors to our country,” ani BEST team manager Joan Mojdeh.
Aariba rin ang pambato ng Swim League Philippines (SLP) na sina Behrouz Mohammad Mojdeh at Hannah White sa juniors division ng torneong lalahukan ng matitikas na bansa mula sa iba’t ibang panig ng mundo kabilang na ang powerhouse England, United States, Japan, China, Australia, Brazil at Canada.
Walong events ang lalahukan ni Behrouz Mohammad — ang 50m butterfly, 100m butterfly, 50m backstroke, 100m backstroke, 100m breaststroke, 50m freestyle, 100m freestyle at 100m IM habang sasalang si Hannah sa 50m butterfly, 50m backstroke, 50m breaststroke, 50m freestyle, 100m freestyle at 200m IM.
“We would like to thank the Philippine Airlines courtesy of Mr. Philbert Papa and Ms. Loida Vargas Purser for assisting us in this trip,” dagdag ni Mojdeh na kasama sa delegasyon si Rubeyn Jenny White — ang team manager ng White siblings.
- Latest
