Chairman Butch unang guest ng TOPS
MANILA, Philippines — Si Philippine Sports Commission (PSC) chairman William ‘Butch’ Ramirez ang buwenamanong bisita sa unang sesyon ng Tabloids Organization in Philippine Sports, Inc. (TOPS) ‘Usapang Sports’ via Zoom ngayong taon.
Tatalakayin ni Ramirez ang ginagawang preparasyon ng mga national athletes para sa mga lalahukang international competitions kasama ang 31st Southeast Asian Games sa Hanoi, Vietnam sa Mayo at ang 19th Asian Games sa Hangzhou, China sa Setyembre.
Inaanyayahan ni bagong TOPS president Beth Repizo-Meraña ng PSNgayon ang mga miyembrong sumali sa sesyon sa ganap na alas-10 ng umaga.
Mapapanood ang live streaming ng programa, suportado ng PSC, Games and Amusements Board (GAB) at PAGCOR, sa opisyal na Facebook page ng TOPS.
Ang TOPS ay binubuo ng mga sports editors, reporters, correspondents at columnists.
Pamumunuan din ni Ramirez ang panunumpa sa tungkulin ng mga bagong halal na opisyal ng TOPS sa pangunguna ni ‘Ms. Beth’ kasama sina Dennis Eroa ng Sports Bytes (VP-Internal), Rico Navarro ng Remate (VP-External), Frederick Nasiad ng Manila Times (Auditor), Nympha-Miano Ang ng Bulgar (Treasurer) at Edwin Rollon ng Pilipino Mirror (Secretary).
- Latest
