Gilas Women sibak sa FIBA Asia Cup
MANILA, Philippines — Tuluyan nang namaalam sa kontensiyon ang Gilas Women matapos mahulog sa 0-3 rekord sa FIBA Women’s Asia Cup na ginaganap sa Prince Hamza Arena sa Amman, Jordan.
Sa huling araw ng group stage, nagtamo ang Gilas Women ng 52-93 kabiguan sa Chinese-Taipei para mabigong makapasok sa susunod na round ng torneo.
Maganda ang inilaro ni Afril Bernardino na humakot ng 24 puntos, 14 rebounds, tatlong assists, dalawang steals at isang block habang nagdagdag si Clare Castro ng 14 markers.
Ngunit kulang pa rin ito para dalhin ang kanilang tropa sa panalo.
Nakipagsabayan ang Gilas Women sa rebounding kontra sa Chinese-Taipei (37-39).
Subalit naging mala-king pasakit sa Gilas Wo-men ang 26 turnovers nito kumpara sa lima lamang ng Chinese-Taipei.
Nauna nang natalo ang Gilas Women sa China (52-143) at Australia (56-120).
Awtomatikong pumasok sa semis ang China at Japan na may parehong 3-0 baraha habang daraan sa crossover quarterfinals ang South Korea, Chinese-Taipei, Australia at New Zealand.
- Latest
