Bacayo, Mahinay naghari sa 1st MANofdestiNY darts

CEBU, Philippines — Sila si Dino Bacayo ug Elmar Mahinay maoy milugwa nga kampiyon sa 1st MANofdestiNY Cup 15K Classified Doubles Darts Tournament niadtong miaging adlaw didto sa Upper Ranudo Darts Club. Gihuman nila ni Bacayo ug Mahinay ang kompetisyon nga way pilde sud sa walo ka duwa.

Sila si Mustafa Sayyed ug Clifford Arnoco mipahiluna sa ikaduhang dapit uban ang 6-2 win-loss record samtang sila si William Ugang Jr. ug Mikko John Ronquillo nalandig sa ikatulong puwesto bitbit ang 5-3 nga baraha. Sila si Lester Lasala ug Phil Canello maoy miangkon sa ikaupat nga dapit uban ang 4-4 nga marka.

Sila si Jaycob Cuyos ug Jojo Juliano ug Darwin Jennifer Rondina ug RJ Ramirez nagsawo sa ikalima ug ikaunom uban ang 3-5 nga baraha samtang sila si Aki Abellanosa ug Mark Mahinay ug Jerous Ponce ug Paolo Quilaton nagtabla sa ikapito ug ikawalong luna uban ang managsamang 2-5 records.

Ang usa ka adlaw nga torneyo giorganisa ni Bebe Felicio agi'g pagtambayayong sa Cebu Darters United, Inc. (CDUI) ug MANofdestiNY.