Brooklyn diretso sa 2nd round
NEW YORK — Sinibak ng Brooklyn Nets ang Boston Celtics, 123-109, sa Game Five para tuluyan nang wakasan ang kanilang first-round playoffs series at umabante sa Eastern Conference semifinals.
Humakot si James Harden ng 34 points, 10 rebounds at 10 assists para sa una niyang postseason triple-double suot ang uniporme ng Brooklyn at may 25 at 24 markers sina Kyrie Irving at Kevin Durant, ayon sa pagkakasunod.
Tinapos ng Nets ang kanilang best-of-seven duel ng Celtics sa 4-1 para sagupain ang Milwaukee Bucks sa Game One ng kanilang semis wars sa Linggo.
Nagsalpak sina Durant at Irving ng magkasunod na three-point shots para ibigay sa Brooklyn ang 103-89 bentahe sa 7:19 minuto ng fourth period na tuluyan nang nagpaguho sa pag-asa ng Boston.
Binanderahan ni Jayson Tatum ang Celtics, hindi nakuha ang serbisyo nina injured guards Jaylen Brown at Kemba Walker, sa kanyang 32 points.
Sa Phoenix, humataw si Devin Booker ng 30 points sa 115-85 paggupo ng Suns sa nagdedepensang Los Angeles Lakers sa Game Five at kunin ang 3-2 abante sa kanilang bakbakan.
Kumolekta si LeBron James ng 24 points, 7 assists at 5 rebounds para pangunahan ang Lakers.
Sa Denver, nalampa-san ng Nuggets ang ma-tinding laro ni Portland Trail Blazers guard Damian Lillard para angkinin ang 147-140 double overtime win sa Game Five at ilista ang 3-2 lead sa kanilang serye.
Nagposte si center Nikola Jokic ng 38 points, 11 rebounds at 9 assists para sa Nuggets at may 28 at 26 markers sina Monte Morris at Michael Porter Jr., ayon sa pagkakasunod.
Nagpasabog si Lillard ng franchise playoff record na 55 points para sa Blazers kasama ang kanyang playoff record na 12 triples.
- Latest
