Raptors milansang 19 ka 3-pointers batok Wizards
CEBU, Philippines — Nagpauwan og 19 ka 3-pointers ang Toronto Raptors nga igo na kaayo aron lumsan ang Washington Wizards, 137-115 sa nagpadayong aksiyon sa National Basketball Association kagahapon didto sa Capital One Arena Washington, DC.
Si Norman Powell mipabuhagay og 28 puntos ug si Pascal Siakam mipahaguros og 26 puntos alang sa Raptors, kansang pito ka mga magduduwa ang nakaigo og 3-pointer nga gipangulohan ni Kyle Lowrie nga mipasud og lima ka tres. Si Lowry og kinatibuk-ang 21 puntos.
Ang adunay 59 porsiyento gikan sa 3-point arc, diin mipasud sila og 19 sa 32 ka itsa.
Sila si Siakam ug Powell miposa og tagtulo ka 3-pointers alang sa Toronto nga nidaog sa ikalimang higayon sa unom ka duwa ug adunay 4-1 sa ilang road game.
Si Chris Boucher miamot og 17 puntos ug si Fred VanVleet mitampo'g 14 puntos. Lakip sa pito ka Raptors players nga miiskor og double figures mao sila si Terence Davis ug De'Andre Bembry sa ilang 14 ug 10 puntos.
Ang NBA leading scorer nga si Bradley Beal, kinsa ni-average og 33.3 puntos, nalimitahan lang ngadto sa 24 puntos sa Wizards nga napilde ngadto sa Raptors sud sa ikawalong sunod-sunod nga higayon, apil na niini ang upat sa Washington.
Si Russell Westbrook, kinsa gibangko sa Wizards atol sa ilang kadaogan batok sa Chicago Bulls sa miaging adlaw, miiskor og 23 puntos sa iyang pagbalik, lakip na ang 19 puntos sa second half. Mihimo sab siya og pito ka assists ug unom ka rebounds. Si Rui Hachimura mitampo og 15 puntos, uban ang pito ka rebounds ug si Robin Lopez mitimbre og 13 puntos sa gilubong nga Wizards.
- Latest
