Green naghinam-hinam morepresentar sa Pilipinas
CEBU, Philippines — Naghinam-hinam ang Fil-Am nga si Jalen Green nga morepresentar sa Pilipinas sa NBA G League select team kauban ang Pinoy'ng nga si Kai Sotto. Sa wala pa sila magkauban ni Sotto sa G League, nindot nang daan ang panagdait nilang Green.
Kini gumikan kay sila si Green ug Sotto nag-abot na sa usa ka torneyo sa National Basketball Training Center (NBTC) dinhi sa Pilipinas sa milabay'ng katuigan ug maayo kaayo ang ilang inter-aksiyon sa usa'g-usa.
"Me and Kai have a good relationship out there," matud pa ni Green segun sa taho sa Philstar.com. "I talked to him a couple of times in the Philippines... we really didn't get to talk that much but it was more of he knows that we're bros off the court," dugang pa ni Green.
Si Green nagkanayon nga iyang gilantaw si Sotto nga usa ka igsuon sud da korte ug iyang gihandum ang kalampusan niini.
"I told him I hope he's doing good, I hope he's getting better and stuff," dason pa sa 6'5" nga si Green. "When he came to the G League, I told him congrats, can't wait to be your teammate."
"I'm excited to play with you and represent our Philippines," dugang pa ni Green, kansang inahan usa ka Pinay. Mo-coach kanila sa G-League mao si kanhi LA Lakers star guard ug three-time NBA champion Brian Shaw.
- Latest