Kai Sotto mikuha og dekalibreng trainer
CEBU, Philippines — Gikuha ni Kai Sotto ang serbisyo sa usa ka dekalibreng basketball trainer sa Amerika nga si Rob McClanaghan aron bairon og maayo ang iyang abilidad.
Mismo si Sotto ang midayeg sa abilidad ni McClanaghan nga milampos paghashas sa kalibre sa dinuwaan nilang Derrick Rose, Russell Westbrook ug Kevin Love.
Apil sab sa iyang mga kliyente sila si Stephen Curry, Kevin Durant, Al Horford ug John Wall.
Sa iyang bahin, si McClanaghan nagkanayon nga nalingaw siya nga katrabaho si Sotto kay napuno kini sa talento ug dunay potensiyal nga molambo kon abilidad maoy hisgutan.
“He’s fun to work out because he’s very versatile. He’s very skilled but also has a lot of potential to grow,” matud pa ni McClanaghan segun sa taho sa Philstar.com, ang isguong mantalaan sa Banat News.
Si Sotto dili pa lamang dugay mipirma og kontrata uban sa usa ka pinili nga team nga gilangkuban og mga high recruits nga mopakita og aksiyon sa umaabot nga NBA G League season.
- Latest
