Pagara, Cataraja gikuhang sparmates ni Inoue

CEBU, Philippines — Duha ka ALA Boxing Gym boxers nga silang Albert Pagara ug KJ  Cataraja ang gikuhang sparmates ni  Japanese boxing superstar Naoya Inoue pangandam alang sa iyang sangka batok Johnriel Casimero sa Abril 25  sa Las Vegas.

Si Inoue mosugal sa iyang WBA ug IBF belts batok sa Pinoy champion nga si Casimero kinsa mosugal usab sa iyang

WBO title.

Dili kini ang unang higayon ni Inoue nga mikuha og Pinoy sparring partners kay nahimo na  niyang sparmates sila si Cataraja ug Pete Apolinar dihang nangandam kini sa sangka batok ni Nonito Donaire Jr., kinsa iyang gipilde pinaagi sa unanimous decision niadtong Nobiyembre.