Lebron dili kayo paduwaon sa Pre-Season

CEBU, Philippines —  Gipahibalo ni Los Angeles Lakers head coach Frank Vogel nga limitado ang playing time sa iyang franchise player nga si LeBron James sa NBA pre-season sa tunga-tungang bahin ning bulana.

Sayod si Vogel nga daghan ang nagpaabot sa mga pre-season games sa Lakers kay gipalig-onan kini og maayo pinangulohan ni James, ang three-time NBA champion. Apan buot ni Vogel nga dili  niya hatagan og taas nga playing time aron paglisay sa injury.

"We want to be intelligent," matud pa ni Vogel sa ESPN5. "We want to get him enough reps to get him familiar with his teammates and get everybody on the same page, some cohesiveness. But certainly going to be intelligent and not overdo it in the pre-season."

Ang 34-anyos nga si James mipakita gihapon nga anaa siya sa hustong kondisyon sa mga team practices. Apan gusto sa coaching staff sa Lakers nga sakto kini sa pahuway sa dili pa ang regular season.

Mahatagan hinuon og kahigayonan ang katimbang ni James ug laing All-Star nga si Anthony Davis nga gusto makita ni Vogel nga moduwa uban sa mga bag-o niyang teammate sa Lakers. 

Gawas ni Davis, laing mga bag-ong nawong sa koponan mao sila si Dwight Howard, Avery Bradley ug Danny Green.