Bucks gipamulta og $50,000 sa NBA
CEBU, Philippines – Ang NBA mipahamtang og $50,000 nga multa sa Milwaukee Bucks gumikan sa pagluwat niini og mga komento kabahin sa paglugway sa kontrata sa superstar nilang si Giannis Antetokounmpo.
Nagagikan ang maoy silot sa mga pamahayag ni Bucks general manager Jon Horst nga ilang hatagan og supermax extension si Antetokounmpo, ang reigning MVP sa liga.
Ang Bucks gidid-an nga motanyag og contract extension ni Antetokounmpo hangtod sa 2020.
Sa dihang gipangutana kon unsay sitwasyon sa kontrata ni Antetokounmpo, si Horst mitubang nga: "The answer right now is we can't talk and negotiate anything. Giannis, basically a year from now, will be eligible for a supermax extension. At that time, of course, he'll be offered a supermax extension."
Wala makauyon ang NBA sa iyang tubag hinungdan nga gipamulta sila.
Ang 24-anyos nga si Antetokounmpo maoy gibayaw nga MVP sa miaging season dihang mi-average siya og 27.7 points matag duwa.
- Latest