Titulo sakmiton sa SMB, TNT mosuway og tabla

CEBU, Philippines – Suwayan sa San Miguel Beermen paglangkat sa ikaduha nilang sunod-sunod nga PBA title karon nga season sa dihang mag-abot sila pag-usab sa TNT KaTropa sa Game-5 sa ilang 'best-of-seven' finals series sa Commisisoner's Cup karong adlawa didto sa Smart Araneta Coliseum.

Apan dili katugot ang KaTropa nga tapuson sila  karon kay gusto nilang lugwayan pa ang series.

Ang Beermen nga  nakaipsot sa KaTropa, 99-94 sa Game-5 niadtong Miyerkules, kinahanglan nga   modaog karon aron hingpit nilang malabnot ang PBA Commissioner's Cup title.

Ang San Miguel ug TNT magtiwas karong alas-7 sa gabii.

Ang SMB nangangkon nga taas pa ang ilang kompiyansa human sa ilang kadaogan sa Game-5 ug ang import nga  si  Chris McCullough  nanghinaut nga iyang masubli ang maayo niyang performance sa miaging duwa diin siya miburak og 35 puntos  aron pangulohan ang San Miguel.

Hinuon, si TNT team captain Jayson Castro miingon nga wala pa sila mag-panic ug masaligon sila nga makatabla  sa series. Giangkon hinuon ni Castro nga sakit ang kapildihan nila sa Game- 5 kay naglabaw sila og 11 puntos, 80-69 sa third period sa wala  sila mikolapso..