Salon de Rose U15 chessfest karong weekend
CEBU, Philippines – Pipila ka mga batan-ong magduduwa og ahedres ang magtakus sa ilang abilidad sa Salon de Rose Under 15 Chess Tournament karong Domingo diha sa Barracks Chess Club sa Robinsons Galleria Cebu.
Ang makampiyon mobulsa og P1,000 samtang ang mopahiluna sa ikaduha hangtod sa ikalimang dapit makadawat og P1,000, P700, P500 ug P300.
Ang registration nagkantidad og P150.
Alang sa dugang mga impormasyon, mahimong mokontak ni FIDE Arbiter Marvin Y. Ruelan sa 0926-7352951.
Sa laing kalamboan, ang Cebu Executives and Professionals Chess Association (CEPCA) ubos sa liderato ni Engr. Jerry Maratas mipahibawo nga ang ilang monthly qualifying tournament ipahigayon sa katapusang Domingo na matag bulan sugod karong Pebrero 24 sa ala-1 sa hapon diha gihapon sa Barracks Chess Club.
Aron patas ang kumbati, ang kompetisyon magsubay og handicapping format diin ang Class A hatagan og time control nga tres minutos lamang, samtang ang mga Class B players dunay 15 minutos aron humanon ang usa ka duwa.
- Latest