Slaughter paduwaon karon ni Tim Cone
CEBU, Philippines — Mapugos si Barangay Ginebra San Miguel coach Tim Cone sa pagpaduwa sa iyang star center nga si Greg Slaughter sa ilang sangka batok Magnolia Pambansang Manok karong adlawa didto sa Smart Araneta Coliseum.
Gusto unta ni Cone nga ireserba si Slaughter sa playoffs ilabi na nga bag-o lang kini naayo sa iyang injury, apan iya na lang kini nga paduwaon tungod sa kakrusyal sa ilang duwa karon.
Ang Ginebra ug Magnolia magsangka sa alas-7 sa gabii human sa duwa tali sa Alaska Aces ug NorthPort Batang Pier nga magsugod sa alas-4:30 sa hapon.
Maningkamot ang Ginebra nga modaog aron maila ang unang dapit sa standing ug ingon man ang 'twice-to-beat' advantage sa playoffs.
Ang Ginebra adunay 7-2 win-loss record ug ang Magnolia nagbitbit og 8-2 nga baraha.
Si Cone miangkon nga lisud ang Magnolia tungod kay nindot ang dagan sa kampanya sa koponan uban ang lig-ong import nga si Romeo Travis ug mao kini ang hinungdan nga paduwaon nila si Slaughter.
Si Slaughter maoy tahasan nga modepensa ni Travis kay mubo man ilang import nga si Justin Brownlee nga mopukos na lang sa scoring.
- Latest