Asiad medalists midonar sa ilang CASH incentives

CEBU, Philippines – Imbes nga ilahon, ang mga golfers nga sila si Yuka Saso, Bianca Pagdangangan ug Cebuana Louise Kaye Go nakadesisyon nga idonar ang nadawat nilang cash incentives ngadto sa National Golf Association of the Philippines.

Si Saso mihatod og gold medal sa nasud atol sa 18th Asian Games didto sa Indonesia human siya mahimong champion sa women's division, samtang siya uban nila ni Pagdanganan ug Go  naka-gold sab sa women's team gold.

Gawas nga gusto sila motabang sa pagpalambo sa programa sa golf sa Pilipinas, ang female golfers miingon nga dili usab sila modawat og cash incentive tungod kay maisip pa sila nga amateur.

Niadtong Huwebes, ang tanang  medalists sa miaging Asiad miatubang ni Presidente Rodrigo Duterte ug gipasidunggan sila dungan sa paghatag kanila og dugang cash incentives.