Aguilar delikado dili makaduwa sa Game 2
CEBU, Philippines — Mapiangan ang Barangay Ginebra Kings batok sa Rain or Shine Elasto Painters sa Game 2 sa ilang 'best-of-five' PBA Commissioner's Cup semifinals karong gabii didto sa Smart Araneta Coliseum.
Kini kay ang usa sa ilang leading scorer nga si Japeth Aguilar nakaangkon og achilles injury atol sa ilang 102-89 nga kadaogan sa Game 1 niadtong Domingo sa gabii.
Si Ginebra coach Tim Cone nanghinaut nga dili unta seryoso ang injury sa iyang sinaligang forward, apan segurado siya nga malimitahan ang oras niini kun ugaling moduwa siya og balik ning maong series.
Sa pagkaangol ni Aguilar, magpas-an og bug-at nga bagahi ang Sugboanong sentro nga si Greg Slaughter, kinsa maoy saligan sa ilawom nga bahin sa ring.
Si Slaughter ang gitahasan nga mobantay sa higanteng import sa Painters nga si Reggie Johnson tungod kay mubo man si Justin Brownlee, ang import sa Ginebra. (BANAT NEWS)
- Latest