South, Almojallas, Villaner midaog sa Power Forty Friendship Games

CEBU, Philippines – Mipatigbabaw ang   South pinaagi sa paglubong sa North, 78-65 atol sa All-Star game sa Power Forty ballclub nga tipik sa ilang tinuig nga Christmas Party niadtong Disyembre 30 didto sa Inayawan Sports Complex, dakbayan sa Sugbo.

Gipangulohan ni Boldyak Tantiado ang kadaugan sa iyang 21 puntos. Miabag sab silang, Roel Carbonilla ug Nando Sumargo nga mitimbre’g 13 ug 10 puntos matag usa.

Ang North gipangulohan ni Robert Abasolo nga miburak og 29 puntos, gisundan ni Joel Jaca sa iyang 13 puntos.

Sa pasiunang duwa, ang team Almojallas  naka-eskapo bitbit ang 57-56 nga kadaugan batok sa team Eleguin-Yosores ubos sa legend division 60 above.

Sila si Dodoy Abellana ug Allan Dayota parehong mirehistro’g 15 puntos aron pangulohan ang kadaugan, samtang si Pablit Cabrera  mitampo’g 14 puntos.

Ang Eleguin-Yosores team gipangulohan mismo nilang Vez Eleguin ug Atty. Flor Yosores nga mitusak og 18 ug 15 puntos.

Samtang ang team Villaner ug Park ‘N Go nagtabla sa iskor, 68-68 ubos sa veteran division 50-above.

Si Al Misa mitikdol og 24 puntos ug si Wewe Cabrera mitimang og 23 puntos alang sa team Villaner, samtang nangu sa Park ‘N Go mao si Gogo Fuentes nga mikanlat og 15 puntos, gisundan nilang Cesar Alcordo ug Allan Delarama nga  parehong miantog og 13 puntos. (BANAT NEWS)

PUNTOS MATAG USA

Unang duwa:

(Legend Div. 60-above)

Team Almojallas (57) – Abellana 15, Dayota 15, Cabrera 14, Almojallas 5, Kalinga 4, Nuñez 4.

Team Eleguin-Yosores (56) – Eleguin 18, Yosores 15, Labalan 8, Magallon 4, Tantoy 3, Montuis 2, Navares 2, Cayobit 2, Samson 2.

Ikaduhang duwa:

(Veteran Div. 50-above)

Team Villaner (68) – Misa 24, Cabrera 23, Echavez 4, Abasolo 4, Atillo 3, Abapo 3, Villaner 3.

Park ‘N Go (68) – Fuentes 15, Alcordo 13, Delarama 13, Dumale 8, Gaviola 4, Moniva 4, Dejacto 4, Ozon 3, Rama 2, Cabatas 2.

Ikatulong duwa:

(All-Star)

South (78) – Tantiado 21, Carbonilla 13, Sumargo 10, Borces 9, Loreto 6, Traya 5, Dequit 4, Capala 4, Chiong 2, Navares 2.

North (65) – Abasolo 29, Jaca 13, Veloso 8, Flordeliza 4, Libre 3, Mercado 2, Sandal 2, Cabaluna 2, Rosito 2.