Beermen lumapit sa semis

MANILA, Philippines – Nang iposte ng nagdedepensang San Miguel ang isang 19-point lead sa third period ay hindi na nila pinaporma ang Talk ‘N Text.

Pinabagsak ang Tropang Texters, 97-84, lumapit ang Beermen sa una sa dalawang outright semifinals berth sa 2015 PBA Philippine Cup kagabi sa Smart Araneta Coliseum.

Ito ang pang-pitong sunod na arangkada ng San Miguel (9-1), tinabunan ang Talk ‘N Text (5-4) sa 62-43 sa 5:21 minuto ng third quarter.

“Hindi pa automatic semis ito. We need to win against Alaska,” sabi ni coach Leo Austria.

Bagama’t nakalapit ang Tropang Texters sa 71-80, sa 7:46 minuto ng final canto ay muling lumayo ang Beermen sa likod ng 13-3 atake nina Arwind Santos at Chris Lutz para sa kanilang 93-74 abante sa huling dalawang minuto.

Sa unang laro, isang tres at salaksak ang isinalpak ni guard Terrence Romeo sa dulong bahagi ng overtime period para itawid ang Globalport laban sa Mahindra, 118-116 at ipos­te ang kanilang pang-pitong panalo (7-3).

Tumapos si Romeo na may 29 points kagaya ni Stanley Pringle para ibigay sa Batang Pier ang ‘twice-to-beat’ advantage sa quarterfinals.

Mula sa 0-of-12 shoo­ting sa three-point line ay isinalpak ni Romeo ang una niyang tres sa huling 29.8 segundo sa overtime para itabla ang laro sa 116-116.

Matapos ang mintis ni Karl Dehesa sa panig ng Enforcers ay nakuha ni Romeo ang bola patungo sa kanyang salaksak sa nalalabing 3.3 segundo para ipanalo ang Batang Pier.

Globalport 118 - Pringle 29, Romeo 29, Mamaril 12, Washington 12, Yeo 11, Kramer 10, Semerad 7, Maier­hofer 6, Uyloan 2, Pe˜a 0.

Mahindra 116 - Ramos 24, Dehesa 23, Digregorio 19, Yee 14, Guinto 11, Pascual 9, Canaleta 6, Laure 5, Pinto 4, Bagatsing 1, Hubalde 0.

Quarterscores: 23-22; 44-49; 79-72; 103-103; 118-116 (OT).

San Miguel 97 - Santos 30, Fajardo 22, Cabagnot 21, Lutz 12, Espinas 4, Heruela 3, Tubid 3, De Ocampo 2, Arana 0, Lassiter 0, Ross 0.

Talk ‘N Text 84 - Castro 20, Rosario 17, Tautuaa 14, Williams 12, Reyes 7, Miranda 5, Carey 4, Fonacier 3, Rosser 2, Aban 0.

Quarterscores: 29-17; 46-35; 71-61; 97-84.