7th FYA-Philip Zafra Cup 2014 semis sugdan karon

CEBU, Philippines - Magtigi sa ilang abilidad  ang  topseed Simple Likes Resto Bar ug ang second seeded Pimentel Brokers sa pagsugod sa round

robin semifinals sa   7th   FYA-Philip Zafra Cup 2014 basketball tournament karong gabii didto sa barangay Tisa gym, ning dakbayan.

 Sa laing duwa, magsangka ang Angel Mary Pawnshop ug ang  D&L Sportswear.

 Ang Angel Mary Pawnshop mipalagpot sa Harold's Hotel  pinaagi sa pag-iskor og 109-100 nga kadaugan, samtang gipahugtan

sa Pimentel Brokers ni Marty Pimentel ang paghupot sa ikaduhang pwesto dihang ilang gilubong ang D&L Sportswear, 117-99.

 Si Jayson Ramirez mibahog og 36 puntos diin 15 iyang nahimo sa fourth period aron pangulohan ang Angel Mary.  Samtang ang

natagak nga Harold's Hotel gipangulohan sab ni Beking Rollon  nga  miiskor og 25 puntos, gisundan ni  Bryan Antiporta nga adunay 21

puntos ug Dandan Enriquez sa iyang 19 puntos.

 Sa laing bahin, mikadlit og 38 puntos si Ranel Patalita aron mahimong topscorer  sa Pimentel Brokers.  Si Dexter Caballero

miabuno'g 27 puntos.    Silang JR Reyes ug Nico Laborte  nagkumboya'g 30  puntos  alang sa kadaugan.

 Ang D&L Sportswear gipangulohan ni Dondon Cadungog,  kinsa  miburak  og 36  puntos,  samtang  si  Ryan Villaver  mihakot

og   22    puntos.

puntos matag usa

Unang duwa:

 Angel Mary Pawnshop (109) -Ramirez 36, Alkuino 16, Sydiongco 10, Lim 9, Rra 7, Pardenilla 7, Baguio 6, Cajucson 4, Bermudez 2,

Dumaguit 1.

 Harold’s Hotel (100) - Rollon 25, Antiport 21, Enriquez 19, Masongsong 10, Cal 8, Lavandero 8, Duazo 3, Lopez 3, Dudalo 2.

Ikaduhang duwa:

 Pimentel Brokers (117) - Patalita 38, Caballero 27, Reyes 16, Laborte 14,Bahina 10, Duran 6, Boysello 2, Sumbilon 2, Noquillo 2.

 D&L Sportswear (99) - Cadungog 36, Villaver 22, CJ  Abella 12, A. Abella 9, Parba 8, Pacaña 4, Trangia 3, Dacayana 2.  (BANAT NEWS)