Pimentel batok D&L karon
CEBU, Philippines - Magtakos karong gabii ang no. 2 seed Pimentel Brokers batok sa 3rd seed D&L Sportswear sa ilang semifinal round match-up samtang magtinaktakay ang Harold's Hotel batok sa Angel Mary Pawnshop sa nagpadayon nga FYA-Philip Zafra Cup 2014 basketball tournament didto sa barangay Tisa gym, ning dakbayan.
Ang modaug tali sa Harold's ug Angel Mary maoy makigsangka batok sa no. 1 seed Simple Likes Resto Bar sa laing semifinal match-up.
Gipalagpot sa D&L Sportswear ang BD Law Office sa iskor, 116-102 kaniadtong Miyerkules samtang nabuhi sa ilang kampanya ang Harold's human ilang gipukan ang Angel Mary, 100-92.
Si Arman Batuto maoy nangu sa D&L Pawnshop sa iyang 20 puntos samtang midugang og 19 ug 18 puntos matag usa silang Porky Pacaña ug Dondon Cadungog.
Miamot sab og 10 puntos matag usa silang Ryan Villaver ug Takli Abella alang sa D&L.
Ang natagak nga BD Law gipangulohan ni Baeng Medalle sa iyang 37 puntos samtang midugang og 15 puntos si Tata Laborte ug may 10 puntos si Junrey Arreglo.
Sa laing bahin, mikabkab og 32 puntos si Dandan Enriquez alang sa Harold's samtang mibahug og 25 puntos si Beking Rollon ug laing duha ka teammates ang midugang og double figures.
Ang Angel Mary nga taud-taud naghupot sa unang pwesto apan nahimutang karon sa peligrong matagak, gipangulohan ni Jim Rara sa iyang 15 puntos ug midugang silang McLain Alkuino ug Jaz Sydiongco og 13 ug 12 puntos, matag usa.
Puntos matag usa:
First Game:
D&L Sportswear (116)— Batuto 20, P. Pacaña 18, Cadungog 18, Villaver 10, T. Abella 10, Parba 8, J. Abella 8, Dacayana 6, T. Pacaña 2, Torres 2.
BD Law Office (102)— B. Medalle 37, Laborte 15, Arreglo 10, Avila 8, Abella 7, Banzon 7, Cabañes 5, Garcia 3, Sabalande 2
Second Game:
Harold's Hotel (100)— Enriquez 32, Rollon 25, Lvandero 16, Masongsong 10, Lopez 7, Duazo 3, Cal 3, Dudalo 2, Antiporta 2.
Angel Mary (92)— Rara 15, Alkuino 13, Sydiongco 12, Parba 10, Ramirez 8, Cajucson 8, Bermudez 7, Jabonero 6, Dumaguit 5, Baguio 4, Pardenilla 2, Lim 2. ((BANAT SPORTS)
- Latest
