Pimentel Brokers midaog

CEBU, Philippines -  Mikulit sa ilang ikaduhang sagunson nga daog ang Pimentel Brokers human sila makaipsot  sa  D&L Sportswear, 96-93

niadtong Lunes sa gabii sa   FYA-Philip Zafra Cup 2014 basketball tournament didto sa Brgy. Tisa gym, ning dakbayan.

 Suwayan sa Pimentel Brokers nga mokulit sa ilang ikatulong daog karong gabii dihang ilang ikasangka ang Simple Likes Resto

Bar.

 Sa laing duwa, midaog na gyud sud sa tulo ka duwa   ang Harold's Hotel dihang ilang gilubong ang defending champion BD

Law Office sa iskor nga 113-92.

 Upat ka players sa Pimentel ang miiskor og double figures nga gipangulohan ni Dexter Caballero, kinsa miposa'g 20 puntos.

Silang Ranel Patalita ug Nico Laborte miamot og 17 ug 16 puntos matag usa samtang si    Janus Abellana mitampo'g 13 puntos alang sa 2-0

nga Pimentel Brokers.

 Ang 1-2 nga D&L Sportswear gipangulohan ni Ryan Villaver nga mipabuto'g 22 puntos, gisundan ni Dondon Cadungog nga

adunay 15 puntos. Silang Dodong Trangia ug Wako Dacayana miabuno'g 10 puntos matag usa.

 May higayon untang modaog ang D&L Sportswear, apan gisalbar ni JR Reyes ang Pimentel pinaagi sa iyang krusyal basket.

 Sa laing bahin, si Bryan Antiporta mihakot og 21 puntos aron pangulohan ang Harold’s Hotel, samtang  silang Dandan Enriquez

ug Bikeng Rollon mihabwa'g 16 puntos matag usa ug silang Rolando Trinidad ug Onyot Masongsong nagkumboya og 23 puntos.

 Ang coach sa USC Baby Warriors nga si Britt Carlo Reroma mao sab ang nangulo sa pilderong BD Law pinaagi sa iyang

makabungog nga 42 puntos.  Si Baeng Medalle miamot og 11 puntos, samtang silang Junrey Arrego ug Eissel Banzon mikuhit og 10

puntos matag usa.

puntos matag usa

Unang duwa:

 Pimentel Brokers (96) - Caballero 20, Patalita 17, Laborte 16, Abellana 13, Bahina 9, Reyes 8, Boysello 4, Sumbilon 2, Malicay 2,

Duran 2, Noquillo 2.

 D&L SporTswear (93) - Villaver 22, Cadungog 15, Trangia 10, Dacayana 10, Abellana 8, Abella 7, T. Pacaña 7, Parba 4, Pacaña 2.

Ikaduhang duwa:

 Harold’s Hotel (113) - Antiporta 21, Enriquez 16, Rollon 16, R. Trinidad 12, Masongsong 11, A. Trinidad 9, Lavandero 8, Duazo 8,

Cal 3, Haincadto 3.

 BD Law (92) - Reroma 42, Medalle 11, Arreglo 10, Banzon 10, Cabañero 6, Abella 6, Sabalande 4, Garcia 4. (BANAT NEWS)