Racal pumutok sa opensa, susi ng Letran sa 2 panalo
Laro Bukas
(The Arena, San Juan)
4 p.m. SSC vs EAC
6 p.m. Lyceum vs Letran
MANILA, Philippines - Kilalang isang defensive player si Kevin Racal at ang anumang puntos na magmumula sa kanya ay isang bonus para sa Letran College.
Sa 77-70 panalo ng Knights kontra sa Mapua Cardinals noong Sabado, umiskor si Racal ng 23 points, 10 rebounds at 5 assists.
Sapat na ito para hiraÂngin ang 6-foot-2 swingman bilang ACCEL/3XVI NCAA Press Corps Player of the Week na inihahandog ng Gatorade.
“He is a very good role player. Hindi siya yung masasabi mong superstar because he is really in the mold of a defensive player na kapag pumutok siya sa offense, malaking bagay talaga siya,†wika ni Letran head coach Caloy Garcia kay Racal.
Nagtala si Racal ng mga averages na 10.4 points, 7.4 rebounds at 2.9 assists per game sa first round para sa Knights.
Sa 74-67 panalo ng Letran laban sa three-time champions San Beda College, umiskor si Racal ng 14 points.
Tinalo ni Racal para sa Player of the Week honor sina Nigerian import Ola Adeogun ng San Beda at Perpetual Help reinforcement Nosa Omorogbe.
Tangan ng Letran ang 9-1 kartada kasunod ang San Beda (8-2), Perpetual (8-2), Jose Rizal (5-5), St. Benilde (4-5), San Sebastian (4-5), Emilio Aguinaldo College (4-5), Lyceum (3-6), Arellano (3-7) at Mapua (1-9).
- Latest
