Bullos andam na batok Morikawa

CEBU, Philippines - Makahigayon na sa pagsaksi ang  Sugbuanong fans sa Mixed Martial Arts (MMA) sa laing edisyon sa

Universal Reality Combat Championship (URCC)-Cebu nga  ipahigayon karong Enero 19 didto sa J Centre Mall

convention hall sa A.S.  Fortuna  St., Mandaue City.

 Pagauloha'g "Survival," ang  URCC card langkuban sa gikaintapang superfight tali sa garbo sa Sugbu nga si

URCC Visayas bantamweight champion Cary 'The Prince' Bullos ug Hedio 'Death from Tokyo' Morikawa sa Japan sa usa

ka three-round non-title bout.

 Ang 30-anyos nga si Cary sa SELDEF MMA katapusang miaway niadtong miaging tuig batok ni Rex 'T-Rex'

De Lara diin iyang nasakmit ang URCC title.

 "Wala na ko kaaway human nako makuha ang bakus pero sige ako training and mas kusgan ko run para sa

among fight ni Morikawa,” matud pa ni Bullos atol sa press conference didto sa Loft Restaurant and Lounge sa Cebu I.T.

Park.

 Si Morikawa nabantog nga usa ka elite striker ug ground player  ug tinguha niya nga makarekober human sa

iyang kapildihan pinaagi sa "unanimous decision"  batok sa Pinoy nga si Onyok Transmonte sa URCC Dekada niadtong

Disyembre 1 didto sa SM Mall of Asia Arena.

 Sa supporting main event, ang Ground and Pound champion nga si Lord Rey Yamit sa Python’s Pit

makigharong sa teammate ni Bullos nga si Jimmy 'Silencer' Yabo, samtang si Vaughn 'Spawn' Donayre sa Yaw-Yan

ArDigma/Deftac Cebu makigsangka sa beteranong si Allan Atup sa Python’s Pit Mindanao.

 Mokompleto sa undercards mao sila si Roel Rosauro batok Jeremy Quinonero, Alexander Abraham batok

Philipe Demecilio, Arnel Ylanan batok Jhonjher Torbiso, Moises Nodalo batok Ervin Musico ug Rodel Rejalde batok Leo

Rodrigo. (BANAT NEWS)