Visayas qualifying sa 2012 WYSC moulbo na karon

CEBU, Philippines - Sugdan na karong adlawa ang Visayas qualifying sa 2012 World Youth Scrabble Championships diha sa Cebu City Sports Center (CCSC).

Gawas sa kahigayonan nga morepresentar sa nasud sa WYSC karong Disyembre didto sa London, ang top performers sa maong kompetisyon makadawat sab og ganting salapi.

Ang torneyo gipasiugdahan sa Cebu Scrabble Association ubos sa liderato sa ilang presidente nga si Roger Abella ubos sa bendisyon sa National Scrabble Association of the Philippines (NSAP).

Ang no. 1 scrabble player sa nasud nga si Teodoro Martus, maoy modumala sa duha ka adlaw nga kompetisyon. (BANAT NEWS)