Alegarbes lumangoy ng gold sa Nagoya

NAGOYA, Japan — Ni­langoy ni Ariel Joseph Alegarbes ang ikalawang gold medal ng Team Philippines matapos maghari sa men’s 100-meter backstroke S14 sa 5th Asian Para Games kahapon dito sa Rainbow Pool ng Nagoya City Ge­ne­ral Gymnasium.

Nagtala ang 21-anyos na si Alegarbes ng bilis na isang minuto at 1.56 se­gundo para banderahan ang kanyang event.

Tinalo ng tubong Victorias City, Negros Occidental sina South Korean Kang Sungho (1:01.61) at Natirat Meeprom (1:02.08) ng Thailand.

Ang unang gold ay nagmula kay para swimmer Ernie Gawilan sa 400-meter freestyle S7 noong Lunes.

Nagdagdag din ng bronze si Raemond Ade­f­uin sa 100-meter breaststroke SB6.

Dahil sa dalawang golds at isang bronze, pu­mu­westo ang Team Philippines sa 14th place overall sa medal tally.

Sa archery, bigo sa me­dalya sina Marzel Burgos, Augustina Bantiloc at Jannah Kate Ballesta.