Pink team mikulit sa ilang ikaupat nga daog
CEBU, Philippines - Wala magpabangbang si Ondo Casquejo, kinsa mipupo og 39 puntos aron pangulohan ang Pink team pagpukan sa Green team, 112-99 sa Phase 3 Camella Homes Sunday Club basketball tournament 2012 didto sa Villas Magallanes gym, Lapu-Lapu City.
Daw giharian ni Casquejo ang opensiba sa Pink team kay laing lima niini ka players ang mikulit sab og double figures alang sa ilang 4-2 nga baraha. Si Vega miabuno og 19 puntos, si Bondal mitikdol og 14 puntos.
Si Centes Brañanola mitimang og 13 puntos, samtang sila si Clied Malolot ug Chucky Caro nagkumboya og 23 puntos sa maong kadaugan.
Ang 2-4 nga Green team gipangulohan ni Amay Palad, kinsa mibugha og 23 puntos, gisundan ni Alan Sepe pinaagi sa iyang 18 puntos.
PUNTOS MATAG USA
PINK (112) - Casquejo 39, Vega 17, Bondal 14, Brañanola 13, Malolot 12, Caro 11, Amistad 2, Pleños 2, Villanil 2
GREEN (99) - Palad 23, Sepe 18, Cortes 13, Dionzon 10, Geraldez 9, Sumilang 8, Modena 6, Aparente 2 (BANAT SPORTS)
- Latest
- Trending
